محتسبینو د هېواد په پنځو ولایتونو کې (۲۱) شخړې حل کړې
د امر بالمعروف، نهی عن المنکر او شکایتوو اورېدلو وزارت اړوند د بدخشان، کاپیسا، زابل، پروان او سمنګان ولایتونو محتسبینو د خپل دیني، اخلاقي او ټولنیز مسؤلیت له مخې، دیني عالمانو او قومي مخورو مشرانو په منځګړیتوب په یادو ولایتونو کې د کورنیو تر منځ د ټولنیزو ستونزو پر سر راپورته شوې (۲۱) شخړې حل کړې.
دا شخړې چې د یادو کورنیو تر منځ د دوامداره ستونزو او ګڼو مشکلاتو لامل شوې وې د محتسبینو په هڅو او د سمیې د دیني عالمانو او قومي مخورو په منځکړیتوب حل شوې.
د یادولو وړ ده، چې د امر بالمعروف وزارت محتسبینو په ټولنه کې د نورو منکراتو د مخنیوي تر څنګ په تېره یوه میاشت کې د هېواد په کچه د لسګونه لویو او وړو دښمنیو مخه نیولې او په دې پار یې کړنې لا هم دوام لري.
