محتسبین؛ هڅه وکړئ چې روژه کې نيک عملونه زیات کړئ تر څو له زیات ثوابه برخمن شئ
یکشنبه، رمضان۲۳، ۱۴۴۳
په لوګر، فراه، بغلان او جوزجان ولایتونو کې محتسیبنو د روژې په میاشتې وینا درلودې، چې پکې خلک تشویق شول، تر څو د اړمنو لاسنیوی وکړي او خپل مال د خدای په لاره کې مصرف کړي.
د راپورنو له مخې محتسبینو په لوګر ولایت کې خلک وهڅول تر څو د روژې د فطر صدقې روژې میاشت کې اړمنو ته ورکړي، تر څو هغوی پرې خپلې اړتیاوې پوره کړي.
همدا شان د لوګر ولایت محتسبینو د یاد ولایت د مکتبونو له زده کوونکو سره په بېلابېلو غونډو کې له هغوی وغوښتل تر څو نظافت مراعات کړي او د والدینو احترم وساتي، زیاته یې کړه، که زده کوونکې غواړي چې د کړي علم څخه فایدمن شي، نو د خپلو استادانو دې ډېر احترام ساتي.
د یو بل خبر پر بنسټ، د فراه ولایت بکواه ولسوالۍ کې د محتسبینو لخوا مجاهدینو او نظامي منسوبینو ته اصلاحي، تربیتي غونډې جوړې شوې، چې په ترڅ کې یې هغوی ته د امیرالمؤمنین فرمان واورول شو.
دا غونډه چې د بکواه والسوالۍ د هفت محل سمیه کې جوړه شوې وه او پکې د یادې ولسوالۍ ولسوال او امینه قومندان هم ګډون کړی د یادو فرمانونو په اړه د همغږۍ را منځ ته کولو او عملي کولو باندې خبرې وشوې
په یادو فرمانونو کې امنیتي ځواکونو ته توصیه شوې وه، چې باید له کبر، غرور، ظلم او خیانت څخه ځانونه وساتي او کم عمره کسان له خپلو لیکو وباسي.
د بغلان ولایت، د دوشي ولسوالۍ د امریت یو تن محتسیب مولوي عتیق الله د قرانکریم د ختم مراسمو کې چې د امام ابوحنیفه په جومات کې ترتیب شوې ول، وینا وکړه، خلکو ته یې وویل: چې د خیر کړنې وکړئ او د شپې لمونځونه ٬٬ تهجد ٬٬ ترسره کړئ.
د دې غونډو په دوام کې؛ د جوزجان ولایت د مرادیانو ولسوالۍ کې د محتسبینو د یوې جلسې په ترڅ کې د جوماتونو له امامانو، داعیانو او ځوانانو وغوښتل چې اقلا د روژې وروستیو لسو شپو کې په ځانګړي ډول ۲۱ – ۲۳ -۲۵ – ۲۷ – ۲۹ د محل خلک او جومات کې ناست دې لمونځونه وکړي، تر څو تر منځ مینه، الفت او خواخوږي را منځ ته شي او کامل ثواب هم ترلاسه کړي.
