شیخ محمد خالد الحنفي صاحب: ولس ته خدمت کول د اسلامي امارت د چارواکو له دیني مسؤولیتونو څخه دی

org_admin
چهارشنبه ۱۴۰۳/۲/۱۲ - ۱۵:۵۲

په کابل کې د اسلامي امارت د لوړ پوړو چارواکو په ګډون د اسلامي نظام د ټینګښت په موخه د ملت د یووالي او همغږیتوب تر سرلیک لاندې د دي ولایت په اتمه حوزه امپریال کانټینټل هوټل کې یوه لویه غونډه ترسره شوه.

په دې ناسته کې د امربالمعروف، نهې عن المنکر او شکایتونو اورېدلو وزارت سرپرست وزیر شیخ محمد خالد الحنفي صاحب وویل: دا د ډېرې خوښۍ ځای دی چې مونږ افغان ولس د پخوا په څېر خپلمنځي اختلافات نه لرو، د یو رهبر تر امر او د اسلامي نظام د بیرغ ترسیوري لاندې ژوند کوو.

د امربالمعروف، نهې عن المنکر او شکایتونو اورېدلو وزارت سرپرست وزیر شیخ محمد خالد الحنفي زیاته کړه: د جهاد څخه مو موخه د اشغال خاتمه، د هېواد د خپلواکۍ ترلاسه کول او په هېواد کې د اسلامي نظام ټینګښت وو، چې لله الحمد یادې ټولې موخې په الهي نصرت او د افغانستان مسلمان ملت په همکاري  ترلاسه شوې، اوس د دې وخت رارسېدلی چې ولس د ستونزو او ننګونو د هوارۍ او د اسلامي نظام د شرعي احکامو د پلي کولو لپاره خدمت او همکاري وکړي.

همدا راز ښاغلي شیخ الحنفي صاحب وویل: اسلامي امارت یوازینی نظام دی چې د تاریخ په اوږدو کې یې اشغالګرو ته په متحد ډول ماته ورکړه، دا نظام د امربالمعروف او نهې عن المنکر سپېڅلې فریضې پر بنسټ جوړ شوی، چې د ښځو د شرعي حقوقو د ورکړې او خونديتوب ترڅنګ په هېواد کې په زرګونو شکایتونه چې د هېواد والو له لوري شوي وو د امربالمعروف، نهې عن المنکر او شکایتونو اورېدلو وزارت له لوري حل او فصل شوي دي؛ په کوم نظام کې چې امربالمعروف او نهې عن‌المنکر نه وي هغه ته کامل اسلامي نظام نشي ویل کېدلای.

او نوموړي زیاته کړه، چې دغه اسلامي نظام د خلکو نظام دی، خلک د دې نظام برخه ګڼل کېږي، د نظام او ولس تر منځ هېڅ واټن نشته، نو له اسلامي نظام سره همکاري د هېواد د ټولو وګړو شرعي فریضه ده.

د یادولو وړ ده چې ښاغلي شیخ محمد خالد الحنفي صاحب د خپلو خبرو په پای کې د هېواد ټول قومونه یووالي او پیوستون ته راوبلل او د دې ترڅنګ یې وویل، چې مونږ ټول باید د اسلامي نظام د لا پیاوړتیا او ټینګښت لپاره په ګډه کار وکړو او د خلکو خدمت کول د اسلامي امارت د چارواکو یو له دیني مسؤولیتونو څخه ګڼل کېږي.

تازه خبرونه

شنبه ۱۴۰۴/۶/۸ - ۹:۴۱
Background image

لغمان کې یوه جبري نکاح فسخه او په ورته قضیه کې د یوې بلې مېرمنې ته مهر ورکړل شو

د لغمان ولایت د امر بالمعروف، نهې عن المنکر او شکایتونو اورېدلو ریاست مسؤولینو د یاد ولایت په مرکز کې د اړوندو مسؤولینو په ملتیا د هغې نجلۍ جبري نکاح فسخه کړې، چې د خپلې کورنۍ له لوري د. . .

چهارشنبه ۱۴۰۴/۶/۵ - ۹:۹
Background image

غزني کې یوه مېرمن له پنځه کلن ظلم او ځورونې وژغورل شوه

د غزني ولایت د ده‌یک ولسوالۍ محتسبینو یوه مېرمن له پنځو کلن کورني تاوتریخوالي، ظلم او رواني ځورونې ژغورلې ده.

د محتسبینو په وینا، یادې مېرمنې ته نه یوازې دا چې نفقه نه ورکول کېده، بلکې. . .

دوشنبه ۱۴۰۴/۶/۳ - ۱۰:۲
Background image

‏د امر بالمعروف، نهې عن‌المنکر او شکایتونو اورېدلو محترم وزیر په نورستان کې د نوي رغول شوي جامع جومات د پرانیستې مراسمو کې ګډون وکړ

د نورستان ولایت د دواب ولسوالۍ د شوک کلي اوسېدونکو د اشغالګرو له لوري ویجاړ شوی جومات د شاؤخوا ۱۵ میلیونه افغانیو په شخصي لګښت بیا رغولی او د امر بالمعروف، نهې عن‌المنکر او شکایتونو. . .

BACK TO NEWS