د امربالمعروف وزارت سر پرست وزیر شیخ محمد خالد الحنفي په نورستان ولایت کې دجهادي مدرسې په پرانیست غونډه کې ګډون وکړ
پنج شنبه، شوال المکرم۲۸، ۱۴۴۴
د امر بالمعروف، نهی عن المنکر او شکایتونو اورېدلو وزارت سرپرست وزیر شیخ محمد خالد الحنفي د نورستان ولایت د نور ګرام ولسوالۍ د جهادي مدرسې په پرانیست غونډه کې ګدون والو ته وویل:عالیقدر امیرالمومنین حفظه الله او د ا.ا.ا مسؤلین زمونږ د بچیانو د سالمې روزنې او پر ځان د بسیا افغانستان په لټه کې دي چې په همدې پار یې د هیواد په ټولو ولایتونو کې جهادې مدرسې منظورې کړې دي او ځانګړې توجو ورته کوي .
ناستې ته چې پکې د ا.ا.ا د پوهنې وزارت سر پرست وزیر شیخ حبیب الله اغا په شمول د جهادي مدارسو رئیس شیخ عبد الواحد ، د ولایت والي ، دیني علماو او قومي مخورو شتون درلود شیخ محمد خالد الحنفي وویل:د ا.ا.ا د مسؤلینو لومړنۍ هڅه د راتلونکي نسل په اسلامي روحیه سمبالول دي چې د همدې موخې له پاره د عالیقدر امیرالمؤمنین حفظه الله په امر د هیواد په ټولو ولایتونو کې جهادي مدرسې منظورې شوې چې لګښت به یې ټول د اسلامي امارت له لوري ورکول کېږي.
شیخ محمد خالد الحنفي د سیمې خلکو ته په خطاب کې وویل : په نظامي ځایونو کې ستاسې بچیان د دین او وطن د ساتنې په پار نظامي زده کړي کوي او دیني مدارس یې د علمي روزنې تر ټولو ښه ځایونه دي نو خپل بچي مو دیني مدارسو ته واستوئ څو مو راتلونکی نسل له اسلامي احکامو خبر او په اسلامي روحیه وروزل شي.
د غونډې په پای کې د یادې دیني مدرسې پرانیسته د شیخ محمد خالد الحنفي او نورو مسؤلینو له لوري د پټۍ په پرې کولو سره وشوه.
