د امر بالمعروف، نهې عن‌المنکر او شکایتونو اورېدلو وزارت سرپرست وزیر، په قطر هېواد کې د ا.ا.ا سفیر سره وکتل

org_admin
چهارشنبه ۱۴۰۳/۱۰/۲۶ - ۱۴:۲۱

د امر بالمعروف، نهې عن‌المنکر او شکایتونو اورېدلو وزارت سرپرست وزیر شیخ محمد خالد الحنفي صاحب په خپل کاري دفتر کې په قطر هېواد کې د ا.ا.ا سفیر سهیل شاهین سره وکتل.

د امر بالمعروف، نهې عن‌المنکر او شکایتونو اورېدلو وزارت سرپرست وزیر شیخ محمد خالد الحنفي صاحب ښاغلي شاهین او مل پلاوي ته د هرکلي ترڅنګ د یاد وزارت د لاسته راوړنو او په ټولنیز بدلون کې د یاد وزارت ونډې او ارزښت په اړه خبرې وکړې.

شیخ الحنفي صاحب د امر بالمعروف، نهې عن‌المنکر او شکایتونو اورېدلو وزارت د کړنو،، لاسته راوړنو او په ټولنیز بدلون کې د یاد وزارت مثبت ارزښت او په دې برخه کې د ترلاسه شویو پرمختګونو په اړه بشپړ معلومات وړاندې کړل.

ښاغلي شیخ صاحب څرګنده کړه چې د امر بالمعروف، نهې عن‌المنکر او شکایتونو اورېدلو وزارت موخه یوازې د اسلامي شریعت پلي کول ترڅنګ د ټولنیز بدلون او ثبات راوستل دي، هغه همداراز د ښاغلي شاهین صاحب څخه وغوښتل ترڅو د نړیوالو ډیپلوماټیکو اړیکو له لارې د وزارت د فعالیتونو په اړه رښتیني معلومات خپاره کړي او د منفي تبلیغاتو مخه ونیسي.

 بلخوا سهیل شاهین د بهرنیو رسنیو له‌خوا د افغانستان په اړه خپرېدونکو تبلیغاتو ته په اشارې سره وویل، هغه څه چې د رسنیو له لوري نړیوالو ته وړاندې کېږي د حقیقت خلاف دي او مغرضې بهرنۍ استخباراتي کړۍ هڅه کوي ترڅو په ټوله کې د اسلامي امارت په ځانګړې توګه د دې وزارت غلط انځور تر نړیوالو ورسوي.

ښاغلي شاهین همداراز ډاډ ورکړ چې هڅه کوي ترڅو د خپل موقف او اړیکو څخه په ګټه اخیستنې د امر بالمعروف، نهې عن‌المنکر او شکایتونو وزارت ریښتینی انځور تر نړیوالو ته ورسوي.

هیره دې نه وي چې په دغه کتنه کې دواړو لوریو د کاري چارو لاښه ترسراوي او مثبتو پايلو په اړه له یو بل سره د نظرونو تبادله او مشورې شریکې کړې.

تازه خبرونه

یکشنبه ۱۴۰۳/۱۱/۲۸ - ۱۱:۵۲
Background image

کونړ کې له سوداګرو او هټۍ‌والو سره اصلاحي ناستې ترسره شوې


د کونړ ولایت محتسبینو د اسلامي اصولو سره سم بازار او اقتصادي چاپېریال رامنځته کولو په موخه د یاد ولایت یو شمېر سوداګرو او هټۍ‌والو سره اصلاحي ناستو کې له هغوی وغوښتل ترڅو په خپلو چارو. . .

شنبه ۱۴۰۳/۱۱/۲۷ - ۱۱:۵
Background image

میدان وردګ کې د دوو کورنیو ترمنځ (۱۲) کلنه شخړه په دوستۍ بدله شوه

د میدان وردګ ولایت د امربالمعروف ریاست محتسبینو د مرکز ميدان‌ښار کې د دوو کورنیو د کلیوالي ستونزو له امله راولاړه شوې (۱۲) کلنه شخړه، حل او په دوستۍ بدله کړه.

محتسبینو په خپلو خبرو کې. . .

پنجشنبه ۱۴۰۳/۱۱/۲۵ - ۱۲:۲۱
Background image

پکتیا کې د رسنیو له مسئولینو سره د همغږۍ ناسته ترسره شوه

 

د پکتیا د امر بالمعروف رئیس د ځینو رسنیو له مسؤولینو سره په ناسته کې وویل: رسنۍ په ټولنه کې د ممبر حیثیت لري،پر تاسې لازمه ده چې تر خلکو هغه څه ورسوئ چې داسلام او اسلامي نظام اساسي. . .

BACK TO NEWS