د امر بالمعروف وزارت سر پرست وزیر شیخ محمد خالد الحنفي د هرات له محتسبینو سره ناسته تر سره کړه.

org_admin
دوشنبه ۱۴۰۲/۶/۱۳ - ۱۴:۳۰
mopvpe

د امربالمعروف، نهی عن المنکر او شکایتونو اورېدلو وزارت سر پرست وزیر شیخ محمد خالد الحنفي هرات ولایت ته د خپل رسمي سفر پر مهال د یاد ولایت محتسبینو ته په وینا کې وویل: تاسو ته  ډېر لوی مسئولیت در له  غاړې دی، دا یو الهي مسئولیت دی خپل مسئولیت ته پوره توجه وکړئ ځکه تاسې د الله جل جلاله او بنده ګانو په وړاندې مسؤل یاست.

 دا ناسته چې پکې د یاد ولایت د امربالمعروف رئیس، محتسبینو او نورو اداري کارکوونکو شتون درلود؛ شیخ محمد خالد الحنفي محتسبینو ته په خطاب کې وویل، تاسو ته  ډېر لوی مسئولیت در له  غاړې دی، دا یو الهي مسئولیت دی خپل مسئولیت ته پوره توجه وکړئ ځکه تاسې د الله جل جلاله او بنده ګانو په وړاندې مسؤل یاست.

محمد خالد الحنفي په دې تړاو زیاته کړه، مونږ باید خلکو ته د اسلام ریښتونی انځور  وړاندې کړو په چارو کې لومړیتوبونه وپیژنو، د افراط او تفریط مخنیوی وکړو تر څو  زمونږ په سبب  اسلام بدنام نه  شي.

شیخ محمد خالد الحنفي د خپلو خبرو په دوام  کې وویل، د نړۍ په هیڅ هیواد کې د امر بالمعروف وزارت شتون نه لري مونږ په شرالقرون کې د خیرالقرون په څیر اسلامي نظام جوړ کړی چې دا د شکر ځای دی.

هغه د محتسیب صفاتو ته په اشارې سره وویل، محتسبین د ټولنې ستوري  دي نو محتسب باید متدین، متقي، مخلص او صادق و اوسي تر څو په ښه ډول د معروفاتو اقامه وکړي او د منکراتو مخه ونیسي او الهي احکام په سم ډول تر خلکو ورورسوي  او زیاته یې کړه مخکنې فاسد نظام کې به هغه علماء چې د ممبر له لارې به یې د حق غږ پورته کاوه  تعذیب کېدل او زندانونو  ته به لیږل کېدل خو نن هغه علماء چې د حق ږغ پورته کوي د نظام له لوري ستایل کیږي.

د ناستې په پای کې د هرات ولایت د امر بالمعروف، نهی عن المنکر او شکایاتو اورېدلو رئیس شیخ عزیز الرحمن المهاجر پخپلو خبرو کې شیخ  محمد خالد الحنفي او ورغلي پلاوي ته  ښه راغلاست وویل او ناسته د شیخ محمد خالد الحنفي په دعایې سره پای ته ورسېده.

تازه خبرونه

چهارشنبه ۱۴۰۳/۲/۵ - ۸:۵۴
Background image

د امربالمعروف، نهې عن المنکر اوشکایتونو اورېدلو وزارت اړوند د محتسبینو د ښوونې او روزنې ریاست له لوري محتسبینو ته روزنیز سمینار وړاندې شو

د امربالمعروف، نهې عن المنکر او شکایتونو اورېدلو وزارت اړوند د محتسبینو د ښوونې او روزنې ریاست له لوري د دې وزارت د غونډو په تالار کې د پلازمېنې کابل ښاري ریاست محتسبینو ته چی تعداد یې. . .

شنبه ۱۴۰۳/۲/۱ - ۱۵:۱۳
Background image

د امر بالمعروف وزارت سرپرست وزیر د اسلامي همکارۍ سازمان له مرستیال او د افغانستان لپاره ځانګړي استازي، ښاغلي طارق علي بخيت سره ناسته ترسره کړه

په دې ناسته کې په افغانستان کې د اسلامي قوانینو د ټينګښت، اقتصادي پياوړتيا، نشه یې موادو پر وړاندې مبارزې، د اسلامي نړۍ له هېوادونو سره د افغانستان د اړيکو، د ښځو د اسلامي حقونو او نورو. . .

پنجشنبه ۱۴۰۳/۱/۳۰ - ۸:۲۲
Background image

د امر بالمعروف وزارت سرپرست وزیر له افغان بهر مېشتو سیاسي څهرو او سوداګرو سره ناسته ترسره کړه

د امر بالمعروف، نهې عن المنکر او شکایتونو اورېدلو وزارت سرپرست وزیر شیخ محمد خالد الحنفي له افغان بهر مېشتو سیاسي څهرو او سوداګرو سره د یاد وزارت په مقر کې د همغږۍ په موخه ناسته ترسره. . .

BACK TO NEWS